Жалпы маалымыт жана иммиграциялык эмес визага тапшыруунун жол жобосу

АКШ визасы

 

Визага тапшыруучулардын бардыгы DS-160 виза анкетасында көрсөтүлгөн өздүк маалыматын КЫЛДАТТЫК менен текшерүүгө тийиш. Туура эмес көрсөтүлгөн маалымат виза берүүнү бир топ убакытка создуктурушу мүмкүн же кайрадан консул менен маектешүү өткөрүүнү талап кылышы мүмкүн.

Биометриялык маалыматтардын талдоого алынышына байланыштуу консулдук бөлүм визаны маектешүү болгон күнү бере албайт. Визага тапшыруучулардын бардыгы визага алдын ала кайрылууга тийиш. Билеттердин сатып алынышына байланыштуу тездетилген маектешүү дайындалбайт. Колуңузда виза болмоюн, билеттерди сатып албаңыз.

Виза алуу үчүн:

1-кадам.

Паспортуңузду текшериңиз:
• Паспортуңуз сиз АКШдан чыгып кеткенден кийин дагы 6 ай убакытка чейин жарактуу болууга тийиш. Мисал үчүн, эгерде сиз АКШга март айында 1 айга барам десеңиз, анда паспортуңуз жок дегенде октябрга чейин жарактуу болууга тийиш.
• Паспортуңузда виза үчүн жок дегенде бир бош барак болуш керек.
• Кыргыз жарандарынын паспорту 2004-жылдын үлгүсүндөгү паспорт болушу зарыл.

2-кадам.

DS-160 виза анкетасын толтуруш жана консул менен маектешүүгө жазылыш үчүн бул жерди басыңыз:https://evisaforms.state.gov/default.asp?postcode=bkk&appcode=3

3-кадам.

Белгиленген күнү жана саатта Консулдук бөлүмгө келип, документтерди тапшырып, консулдук төлөмдү төлөп, консул менен маектешүүдөн өтүңүз.

4-кадам.

Маектешүүдөн ийгиликтүү өткөн тапшыруучулар виза берилген паспортторун Консулдук бөлүмдөн дүйшөмбү жума күндөрү 15:00 дөн 16:00 гө чейин  ала алышат. Жаныңызда консулдук төлөмүн төлөгөндүгү тууралуу дүмүрчөк жана инсандыгыңызды күбөлөндүрүүчү сүрөтү бар документ болууга тийиш.

Колуңузда виза болмоюн, АКШга боло турган сапарыңыз үчүн төлөбөшүңүз керек. Эгерде мындай кыла турган болсоңуз, анда АКШ Элчилигинин Консулдук бөлүмү мүмкүн болуучу жоготууларыңызга жооптуу эмес. Ошондой эле, АКШга кетүү күнүңүз белгилүү болгонуна байланыштуу эле сизге кезексиз маектешүү дайындалбайт.

АКШ визасы виза категориясын, визанын мөөнөтүн жана АКШга кирүүгө канча жолу уруксат берилген маалыматты камтыйт. Визанын мөөнөтү виза ээсинин АКШда болуу убакытын аныктабайт, болгону АКШга КИРҮҮГӨ уруксат берилген акыркы убакытты билдирет. Ал эми виза ээсинин АКШда болуу убакыты Иммиграция кызматынын өкүлү тарабынан АКШга кирүү портунда аныкталат.

Иммиграциялык эмес визаларды алууда эки төлөм төлөнөт.

Кыргыз жарандары визаларды алууда төмөнкү төлөмдөрдү төлөйт:

(2019 жылдын 7 чи августунан баштап жарактуу).

Виза түрү Визаны даярдоо баасы
(консулдук т
өлөм)
Мөөнөтү Кошумча
(виза т
өлөмү)
B1

B2

B1/B2

$160

$160

$160

60 айга көп жолу кирүүчү

60 айга көп жолу кирүүчү

60 айга  көп жолу кирүүчү

$45

$45

$45

J и M  $160 3 айга бир жолу кирүүчү

6 айга көп жолу кирүүчү

12 айга көп жолу кирүүчү

 $0

$25

$45

F $160 12 айга көп жолу кирүүчү $0
I $160 12 айга көп жолу кирүүчү $30
C  $160  3 айга

бир жолу кирүүчү

 $0
D  $160 12 айга көп жолу кирүүчү  $0
O, P, Q  $190 3 айга бир жолу кирүүчү

6 айга көп жолу кирүүчү

12 айга көп жолу кирүүчү

$0

$25

$45

L $190 12 айга көп жолу кирүүчү $0
R $190 12 айга көп жолу кирүүчү $0
H-1B $190 12 айга көп жолу кирүүчү $0
H-4 $190 12 айга көп жолу кирүүчү $0
E  $205  3 айга

эки жолу кирүүчү

 $0

Консулдук төлөмдү толук суммасын бир валютада гана алабыз, мисалы: 100 доллар анан калган 60 долларды сом менен төлөсө болбойт.

Бул төлөмдөн төмөнкү расмий виза категорияларына тапшыруучулар бошотулат: A1, A2, C2, G1, G2, G3, G4 жана J1 виза категориясына тапшыруучу АКШ Мамлекеттик департаментинин алмашуу программаларынын катышуучулары.

АКШга көп жолу кирүүчү визаны алууда ийгиликтүү маектешүүдөн кийин кошумча төлөмдү Консулдук бөлүмдө АКШ доллары же алмашуу курсу боюнча сом менен төлөө керек.

Эгерде сизге виза берилбесе, анда сиз кайрадан виза алууга кайрылсаңыз болот. Бирок Кыргыз Республикасы менен болгон тыгыз социалдык жана экономикалык байланышыңызды же жашоо шартыңыздын өзгөрүшүн далилдей турган кошумча же жаңы маалыматсыз кайрылууга сунуштабайбыз.

Эгерде сизге виза берилбесе, анда сиз төлөгөн көнсулдук төлөм кайтарылбайт.

“Иммиграция жана натурализация жөнүндөгү” мыйзамдын 214(b)-беренеси боюнча виза бербөө тууралуу кошумча маалыматты http://travel.state.gov интернет барагынан Visa Denials (Виза бербөө) бөлүгүнөн караңыздар.


Көп кездешүүчү суроолор

Визага тапшыруучулар виза анкетасы менен кошо төмөнкү документтерди тапшырат: жумушунан кат, банктан маалымкат, чакыруу каты, мүлккө укук берүүчү документтер  ж.б.у.с. Ар бир визага тапшыруучунун шарты өзүнчө болгондуктан жашаган өлкөсү менен болгон байланыштарды далилдөөчү документтердин жалпы тизмесин түзүү мүмкүн эмес.

Виза берүү тууралуу чечимди консул бир гана документтердин негизинде кабыл албайт. Консулдун чечими бир канча факторлордун негизинде кабыл алынат. Виза бербөө чечими кайсы бир документтин жоктугуна байланыштуу эмес, визага тапшыруучунун жашаган өлкөсү менен болгон байланыштары тууралуу далилдердин жоктугуна байланыштуу кабыл алынат.

Документтер сиздин сапарыңыздын максатын түшүндүрүүгө жана АКШда мыйзамсыз негизде калып калууга ниетиңиз жок экендигине консулду ынандырууга жардам берет. Документтерди тапшыруунун өзү виза берилишине кепилдик бербейт. Консул документтериңизди карап чыккандан кийин өлкөдөгү саясий, экономикалык жана маданий кырдаалды эске алып, сиз менен маектешүү өткөрдү. Жеке жашооңуздагы, кесиптик же финансылык шарттарыңыз өзгөрмөйүн, өлкөңүз менен болгон тыгыз байланыштар тууралуу документ түрүндөгү далилдерди көрсөтө албайсыз.

Жок. Визага болгон арызды кароодо консул иммиграциянын үй-бүлөлүк мүнөзүн эске алаары менен сиздин арызыңыз АКШдагы бара турган адамыңыздын абалынын негизинде эмес, сиздин жеке шартыңыздын негизинде каралды.

Маектешүүнүн узактыгы ар кандай болушу мүмкүн, анткени ар бир визага тапшыруучунун жеке шарты ар башка.

Маектешүү убагында визага тапшыруучунун жашаган өлкөсү менен болгон тыгыз байланышын дароо билүү максатында консул атайын иштелип чыккан суроолорду берди. Консул АКШнын иммиграциялык мыйзамдарына кошумча жергиликтүү шарттарды дагы билет жана ар бир визага болгон арызга дароо баа берүү боюнча тажрыйбасы бар.

Сиз төлөгөн консулдук төлөм арызыңызды иликтөөгө жана кароого болгон төлөм болуп саналат жана маектешүүнүн жыйынтыгына карабастан кайтарылбайт.

Визага тапшыруучулардын билет, турак-жай жана тамак-ашына кеткен чыгымдарды көбүнесе демөөрчүлөрү төлөгөнүнө карабастан, демөөрчүлөр эмес, визага тапшыруучулар өздөрү виза алуунун талаптарына жооп берүүгө тийиш.

Визага тапшыруучулар каалаган учурда виза алуу үчүн кайрадан кайрыла алышат. Бирок жеке шартыңыз, б.а. үй-бүлөлүк же кесиптик абалыңыз олуттуу түрдө өзгөрмөйүн кайрадан виза алуу үчүн кайрылууга кеңеш бербейбиз.

Кайрадан виза алуу үчүн кайрылганыңызда виза алуунун жол-жобосун башынан башташыңыз керек: жаңы виза анкетасын толтуруу, маектешүүнүн убакытын дайындоо жана кайрадан консулдук төлөмдү төлөө. Виза ээсине тиешелүү эрежелерди сактоо жана Кыргыз Республикасына кайтуу боюнча ниетиңиз бар экенин маектешүү учурунда далилдешиңиз керек.

КӨҢҮЛ БУРГУЛА!

Визага тапшыруучуларга эскертүү!

Ар бир иммиграциялык эмес визага тапшыруучу онлайн системасында бир гана жолу каттала алат. Онлайн катталыш үчүн биринчи электрондук анкетаны (form DS-160) толтуруш керек. Бир жолудан көп кайталанган каттоолорду же электрондук арызы жок катталган болсо, анда Элчилик эскертпей туруп тизмеден алып салат.

Урматтуу визага тапшыруучулар!

Иммиграциялык эмес визага тапшыруучулар АКШга болжолдогон сапардан эң аз дегенде үч жума жана эң көп дегенде эки-үч ай мурун визага тапшырууга тийиш, анткени иммиграциялык эмес визанын мөөнөтү визада көрсөтүлгөн убакыттын ичинде гана виза ээсинин АКШга кирүүгө уруксаты бар экенин билдирет. Кыргыз жарандары бир жолу кирүүчү мөөнөтү үч айлык туристтик визага гана тапшыра алат.