Flag

An official website of the United States government

Виза жөнүндө маанилүү маалымат
Төлөм ыкмалары тууралуу маалыматтар
Каттоолор жана алардын жайгашкан жери
Навигатор
Коопсуздук боюнча маалымат
Өзгөчөө акыбалга байланыштуу маектер
Пайдалуу шилтемелер

Төлөм ыкмалары тууралуу маалыматтар

Маектешүү күнү визанын түрүнө жараша тиешелүү кайтарымсыз виза төлөмдөрүн аткарыңыз. Жарандыгыңызга жана сиз тапшырган виза категориясына жараша, өз ара төлөм колдонулушу мүмкүн. Сураныч, өз ара төлөм графигин карап чыгып, визаңызга байланыштуу кошумча төлөм бар же жок экендигин аныктаңыз.

Бардык виза жыйымдары маектешүү күнү консулдук бөлүмдүн кассасында АКШ элчилиги тарабынан белгиленген алмашуу курсунун негизинде АКШ доллары же кыргыз сому менен төлөнүшү керек. Бул төлөм кайтарылбай тургандыгын эске алыңыз. Талапкерлер АКШ визасына тапшыргысы келгенине 100% ишенбесе, бул жыйымды төлөбөшү керек.

ЭСКЕРТҮҮ: Маектешүү үчүн төлөм кызмат көрсөтүү учурунда төлөнөт. Биз маектешүү үчүн төлөмдү так суммасын сом же АКШ доллары менен кабыл алабыз, бирок аралаштырууга болбойт (айрылбаган жана белгилери жок). Биз төлөм үчүн кредиттик карталарды кабыл албайбыз. Визасы жактырылган талапкерлерден кошумча төлөм талап кылынышы мүмкүн. Сураныч, ал боюнча төлөм графигин текшериңиз.

Маектешүүгө жазылуу боюнча маалыматтар

Иммиграциялык эмес виза маектери үчүн жолугушуулар мүмкүнчүлүккө жараша кезеке туруу негизинде жеткиликтүү болот. Иммиграциялык эмес виза боюнча маектешүүгө жолугушууларды дайындоо үчүн, биздин онлайн NIV каттоо системасын колдонуңуз.

Эгерде сиз Кыргыз Республикасынын жараны/резиденти эмес болсоңуз жана биздин көрсөтүлгөн NIV каттоо системасынын жардамы менен маектешүүгө жазылсаңыз, анда каттооңуз жокко чыгарылып, сизге электрондук почта аркылуу билдирме жөнөтүлөрүн эске алыңыз.

Тезирээк жолугушууну талап кылган талапкерлер, E визасын алуу үчүн кайрылгандар жана/же Кыргыз Республикасынын резиденти болбогон талапкерлер биздин онлайн Навигатор системасындагы көрсөтмөлөрдү аткарышы керек.

Need assistance with consular services at the U.S. Embassy?
Our Navigator will guide you to information that you need, and help you ask us for assistance as well.
Go to Navigator

Коопсуздук боюнча маалымат

Элчиликтин имаратынын ичинде төмөнкү буюмдарга тыюу салынат:

  • Электрондук техникалар, мисалы, уюлдук телефондор, компьютерлер, радио жана башка сактоочу каражаттары;
  • Аэрозолдук банкалар жана дезодорациялоочу бөтөлкөлөр;
  • Ар кандай түрдөгү курал (анын ичинде чөнтөк бычактары);
  • Камералар;
  • Жазуучу апараттар.

Маектешүү үчүн күтүү залына талапкерлерди тастыкталган котормочулардан башка эч ким коштоп кире албайт. Бул эреже АКШнын жарандарына, жубайларына, юристтерине, демөөрчүлөрүнө, досторуна жана үй-бүлө мүчөлөрүнө дагы тиешелүү. Маектешүү учурунда суралган болсо, консулга кошумча жазуу түрүндө маалымат берилиши мүмкүн.

Өзгөчө акыбалга байланыштуу маектер

Эгер сиз өзгөчө акыбалыңызга тиешелүү муктаждарыңыз болсо, анда онлайн каттоодон кийин дароо бизге жазууну сунуштайбыз. Биз ден-соолугу чектелген адамдарга жардам көрсөтүүнү камсыз кылуу үчүн баардык күч-аракетибизди жумшайбыз.  Өзгөчө акыбалдар кырдаалга жана адамдын муктаждыктарына жараша болот.

Өзгөчө акыбалдардын мисалдары төмөнкүлөрдү камтыйт, бирок алар менен чектелбейт:

  • Эгер сиз ден соолугуңузга же майыптыгыңызга байланыштуу жеке жолугушууну талап кылсаңыз, биз сизге маектешүүгө келүү үчүн альтернативдүү убакытты белгилей алабыз.
  • Эгер сиздин балаңыз алаксыбай, тынч жерде жеке жолугушууну талап кылган өзгөчө муктаждыктарыңыз болсо, биз сизге же үй-бүлөңүзгө маектешүүгө келүү үчүн альтернативдүү убакытты белгилей алабыз.
  • Эгер сүйлөй албасаңыз, сизге калем жана кагаз колдонуу сыяктуу макулдашылган вербалдык эмес түрдө суроолорго жооп берүүгө уруксат берилиши мүмкүн.
  • Эгер сиз дүлөй же жакшы уга албасаңыз, зарыл болсо маектешүү учурунда которуу үчүн сурдокотормочу алып келе аласыз.
  • Эгер сиздин көрүүңүз начар болсо, биз сизге чоң тамгалар менен жазууларды бере алабыз.

Эгер сиз медициналык абалдан, анын ичинде тубаса кемтиктердин, физикалык деформациялардын, тери абалдарынан улам манжа изин бере албасаңыз, сиз кээ бир манжалар үчүн манжа изинен баш тартууга жарамдуу боло аласыз.

  • Маектешүүдөн баш тартуу экстремалдык кырдаалдарда гана берилет, мисалы, санитардык авиацияда учууну талап кылган медициналык абалы бар болсо.

Консулдук бөлүмдүн күтүү залы жана анын дааратканасы майыптар коляскасына ылайыкталган.

Пайдалуу шилтемелер

Онлайн Иммиграциялык эмес виза анкетасы (DS-160)

Онлайн Иммиграциялык виза анкетасы (DS-260)

АКШнын виза саясаты жана башка акыркы жаңылыктар