Коронавируска каршы биргелешип күрөшүп жатканда АКШ Кыргызстанга беткаптарды берип гана тим болбостон жардам көрсөтүүдө. Биз жогорку кубаттуулуктагы кычкылтек концентраторлорунан баштап, эпидемиологиялык анализдин заманбап программаларына чейин USAID, АКШнын Ооруларды алдын алуу жана коргоо борборлору (CDC) жана АКШнын Мамлекеттик департаментинин колдоосу менен 5 миллион доллардан ашуун каражат берүүдөбүз.
Алдыңкы саптагы Кыргызстандын саламаттыкты сактоо кызматкерлерин камсыз кылуу, аларга керектүү шаймандарды камсыздоо
Ооруканаларда жана клиникаларда COVID менен күрөшүп жаткан кыргызстандык медицина кызматкерлери күн сайын эрдик көрсөтүүдө. Америка Кошмо Штаттары бул эр жүрөктөрдүн артында турат, анткени алар өмүрүн сактап калуу үчүн, аларга жеке коргонуу шаймандарынан баштап, өркүндөтүлгөн тестирлөөгө чейин жардам берилет:
– COVID-19 бейтаптарынын дем алуусуна жардам берүү үчүн өлкө боюнча ооруканалар жана медициналык кеңселер үчүн USAIDдин жогорку басымдагы алты кычкылтек концентратору жана 100 көчмө кычкылтек концентратору.
– USAIDдин кургак учук программасы COVID-19 лабораториялык текшерүүсүн кеңейтүүгө негиз болду; USAID тарабынан каржыланган кургак учук лабораториясынын натыйжаларын отчет берүү тутуму купуялуулук менен тез арада COVID 19 тестирлөөнүн натыйжаларын бейтаптар менен коопсуз SMS аркылуу бөлүшүү мүмкүнчүлүгүнө ээ болду. 290,000ден ашуун бейтаптар ушундай жол менен COVID текшерүү жыйынтыгын алышкан.
COVIDге каршы күрөштү багыттаган кыргыз адистери үчүн жабдууларды жеткирүү жана окутуу
Ондогон жылдар бою Америка Кошмо Штаттары Кыргызстандын ВИЧ/СПИД жана кургак учук сыяктуу жугуштуу ооруларга каршы аракеттенүү жана ага каршы күрөшүү жөндөмүн өнүктүрүүнү колдоп келет. Бүгүнкү күндө кыргызстандык саламаттыкты сактоо кызматкерлери заманбап жабдууларды жана COVID-19га каршы күрөшүүдө USAIDден заманбап жабдууларды алууну улантууда, анын ичинде:
– Медициналык кызматкерлерин үчүн жугуштуу оорулардын алдын алуу үчүн клиникалык протоколдорду иштеп чыгууга жана ишке ашырууга колдоо көрсөтүү жана оорукананын кызматкерлери үчүн COVID-19 тобокелдик факторлорун изилдөө. Бир гана USAID COVIDге жооп берүү жөндөмүн өркүндөтүү үчүн 7000ге жакын адамды окуткан.
– Эпидемиологиялык көзөмөлдөө программасын иштеп чыгууну жана жаңыртууну камтыган лабораториялык жабдыктар жана компьютердик шаймандар шашылыш түрдө, эпидемиялык очокторду алдын ала аныктоого жана ага чара көрүүгө жардам берет.
Катардагы кыргыз жарандарына өз коомчулугунда COVID менен күрөшүү мүмкүнчүлүгүн берүү
COVID-19 пандемиясын токтотууда бардыгыбыздын өз милдетибизди аткарышыбыз керек, ошондуктан АКШ маалыматты жайылтуу жана адамдардын өмүрүн сактап калуу боюнча ондогон жергиликтүү кыргыз жарандарынын демилгелерин колдойт, анын ичинде:
– Medical Faceshield Crowdsourcing – Кыргыз IVLP бүтүрүүчүсү Тимур Азизбек уулу, Кыргыз Улуттук COVID штабы, АКШ элчилиги Бишкектеги Америка борбору жана Makerspace кызматкерлери жана жергиликтүү ыктыярчылар биригип, 3D басылган Faceshield прототибин түзүштү жана өлкөдөгү ооруканаларды 500гө жакын жогорку сапаттагы бет калкагычтарын камсыз кылышты.
– “COVID тууралуу кыргызча сүйлө” – Highschool FLEX Exchange программасынын бүтүрүүчүсү Айдай Аманкулова Дүйнөлүк саламаттык сактоо уюмунун COVIDдин алдын алуу боюнча маалымат баракчаларын кыргыз тилине которуп, ири телеканалдарга жана онлайн маалымат каражаттарына берип, адамдар өзүлөрүн коргоо үчүн керектүү маалымат алышты.
