АКШнын Кыргызстандагы элчиси Лесли Вигери Баткен Америка бурчунун расмий таанылышын белгиледи
Баткен, 2023-жылдын 19-октябры – АКШнын Кыргыз Республикасындагы элчиси Лесли Вигери жана Баткен мамлекеттик университетинин ректору Айдарбек Гыязов университеттин студенттери жана кызматкерлери менен биргеликте Баткен Америка Бурчунун Кыргыз Республикасындагы сегиз америкалык мейкиндиктин бири катары расмий таанылышын белгилешти. Салтанат учурунда, Элчи Вигери ректор Гиязовго жана Баткен Америка борборуна жаңы камера, проектор жана микрофондорду тапшырды, алар жергиликтүү тургундар үчүн алардын долбоорлорун колдоо үчүн пайдаланылмакчы.
2018-жылдын март айында АКШ элчилиги Баткен мамлекеттик университетинде Америка ресурстук борборунун ачылышына грант бөлгөн. Бул убакыт аралыгында Баткен Америка Ресурстук Борбору аймактын тургундары үчүн Америка маданияты менен тааныштырган маанилүү маалымат булагы болуп калды. 2020-жылы АКШнын Кыргызстандагы элчилиги менен Баткен мамлекеттик университетинин администрациясы программаларды, техникалык колдоону жана алмашуу мүмкүнчүлүктөрдү жогорулатуу максатында АКШнын Мамлекеттик департаментинин Америка мейкиндиктери кеңсесинин колдоосун кеңейтүү боюнча өз ара түшүнүшүү Меморандумуна кол коюшкан. Бул Меморандумду ишке ашыруунун алкагында Баткен Америка Ресурстук Борбору Баткен Америка Бурчу деп аталып, расмий түрдө Кыргыз Республикасындагы АКШ өкмөтү тарабынан колдоого алынган сегиз Америка борборлорунун бири болуп калды.
Кызыл тасманы кесүү аземинде элчи Вигери Баткен мамлекеттик университети менен ЖОЖдун студенттерине гана эмес, Баткен облусунун жергиликтүү коомчулугуна да кызмат көрсөткөн АКШ элчилигинин Америка борборунун ортосунда өнөктөштүктүн маанилүүлүгүн белгиледи. ери: «Америкалык бурчтар Америка жана Кыргыз элинин ортосундагы өз ара түшүнүшүүнүн жакшырышына салым кошууда. Ал эми АКШ элчилиги бул жерде сунуш кылган программалар — англис тили программалары, баарлашуу, маданий иш-чаралар, жаштарды тартуу, кесиптик даярдоо жана кесипкөйлүгүн жогорулатуу курстары — чынында эле элдин жашоосуна чоң өзгөрүүлөрдү алып келет», — деп белгиледи Элчи Вигери.
Иш-чарада университеттин жетекчилиги да сөз сүйлөдү. Баткен мамлекеттик университетинин ректору Айдарбек Гыязов: «Баткен Америка борбору Баткен облусунун маданий-агартуу программасынын негизги чыгармачыл борбору болуп калды деп сыймыктануу менен айта алабыз», – деп белгиледи.
###
АКШ элчилигинин Америка бурчтары программасына Баткенден тышкары Бишкек, Жалал-Абад, Каракол, Кант, Нарын, Ош жана Талас шаарларындагы мейкиндиктер кирет. Америкалык бурчтар бардык курактагы коноктор үчүн ачык жана англис тилин өркүндөтүүнү, Америка Кошмо Штаттары тууралуу маалымат алууну, билим алуу же алмашуу мүмкүнчүлүктөрү жөнүндө көбүрөөк билүүнү, инновациялык жана техникалык программаларга
катышууну каалаган кыргызстандыктар үчүн мыкты булак болуп саналат. Америкалык бурчтардын программалары медиа сабаттуулук боюнча билим берүүнү камтыйт, бирок алар менен чектелбей илим, техника, технология жана математика боюнча семинарларды, англис тили жана маданияты боюнча аймактык жана улуттук программаларды, англис тили клубдарды уюштурат. Бардык Америка бурчтары бекер интернет, ноутбуктарды, окуу куралдарды, англис тилин үйрөнүү жана үйрөтүү үчүн материалдарды, ошондой эле америкалык авторлордун кыргыз тилине которулган китептерди сунуштайт. Бардык ресурстар жана программалар акысыз.
Баткендеги Америка бурчу баарына ачык жана төмөнкү даректе жайгашкан: Баткен мамлекеттик университети, Жусупова көчөсү, 21, 2-кабат. Баткендеги Америка бурчу менен batkenac@gmail.com электрондук дареги аркылуу байланышсаңыз болот.
