Демократиялык Комиссия

Гранттык арыздарды кабыл алуу

АКШ Элчилиги Демократиялык Комиссиясы гранттык арыздар үчүн катарындагы конкурсун жарыялайт. Бардык документтер 2021-жылдын 31-майга (кошо эсептелинет) чейин тапшырылышы керек. Бул программа Кыргыз Республикасында демократияны жана жарандык коомду өнүктүрүү максатында коммерциялык эмес, бейөкмөт уюмдарына жана бирикмелерине, ошондой эле көзкарандысыз массалык маалымат каражаттарына чакан гранттарын колдоого багытталган. Мамлекеттик органдар коммерциялык эмес уюмдары менен өнөктөш катары биргелешип гранттык арыздарды тапшырса болот. Гранттын максималдуу суммасы 50,000 АКШ долларынан ашпоого тийиш, орточо гранттын суммасы $30,000 түзөт. Демократиялык Комиссия болгон каражатка жараша конкурстук негизде гранттарды берет.

Кыргыз Республикасындагы АКШ Элчилигинин коомчулук менен байланышуу бөлүмү төмөндө тизмектелген жааттардын биринде иш алпарган жарандык коом уюмдарынан жана көзкарандысыз жалпыга маалымдоо каражаттарынан долбоорлук сунуштарды кабыл алуу боюнча конкурс жарыялайт. Арыз берүүчүлөр аймактардагы же Бишкектеги бейөкмөт уюмдар менен биргеликте айыл жергесинде жарандык коомдун өнөктөштүгүн орнотуу жана потенциалын чыңдоо боюнча биргелешкен сунуштарын берүүгө чакырылат. Арыз берүүчүлөр өз сунуштарын даярдоодо коомчулук менен байланышуу бөлүмүнүн максаттарына, программанын артыкчылыктуу багыттарына, максаттуу аудиторияга жана географиялык жайгашуусуна өзгөчө көңүл бурушу зарыл.

Артыкчылыктуу багыттар:

  1. Бизнес менен социалдык ишкердикти илгерилетүү жана мүмкүнчүлүктөрүн кеңейтүү
  2. Демократиялык институттарды илгерилетүү
  3. Экстремизмди алдын алуу жана ал менен күрөшүү
  4. Адамдарды сатууну алдын алуу
  5. Гендердик зомбулукка каршы аракеттенүү

Программа жөнүндө көбүрөөк маалымат алуу үчүн “Каржылоо мүмкүнчүлүгү жөнүндө кабарлоо” документин караңыз.

Документтердин толук пакети төмөнкүлөрдү камтыйт:

  • SF424 жана SF424A формалар
  • Уюм жөнүндөгү маалымат барагы
  • Долбоор сунушу
  • Бюджет
  • Долбоордун мониторинг жана баалоо таблицасы
  • Долбоордун негизги кызматкерлеринин бир барактуу резюмелери (Эскертүү: Сураныч, туулган күн же жеке жашоо адрес сыяктуу жеке маалыматты кошпоңуз)
  • Адилет министрлигинен ӨЭУнун каттоо жөнүндө күбөлүк көчүрмөсү.

Белгиленген убакыттан кийин тапшырылган, толук же туура эмес толтурулган, түзүлүшү туура келбеген же эскирген түрдө толтурулган арыздар жараксыз болуп эсептелинет.

Документтердин толук топтому “Демократиялык Комиссия үчүн” деген тема менен BishkekProjectProposals@state.gov электрондук дарегине жөнөтүүгө зарыл.

Кеңири маалымат алуу үчүн PASBishkek@america.gov электрондук дареги аркылуу байланышсаңыз болот (бул дарекке арыздарды жибербөөнү суранабыз).