Китеп которуу программасы 2021

АКШ Элчилигинин коомчулук менен байланыш бөлүмү 2021-жылдын Китеп которуу программасын арыздар үчүн кезектеги конкурсту жарыялайт.

Бөлүм кыргыз тилине которулган басмаканалардан, билим берүү мекемелеринен жана бейөкмөт уюмдардан америкалык авторлордун чыгармаларын же/жана Америка Кошмо Штаттарынын баалуулуктарын чагылдырган китептерди басып чыгаруу үчүн арыздарды кабыл алат.

Китепте англис тилиндеги тексти дагы камтыса болот. Программанын алкагында автордук укуктарды (зарыл болсо) алуу, которуу, басып чыгаруу, китептерди жеткирүү, ошондой эле китеп басылып чыккандан кийинки тренингдер, мастер-класстар, веб-сайттарды иштеп чыгууга, сынактарга жумшалчу ​​чыгымдар каржыланат.

Элчилик мүмкүнчүлүккө жараша бир басылмага орто эсеп менен 25 000 АКШ долларындан үч-төрт грант берүүнү пландаштырууда. Минималдык басып чыгаруусу 3000 нуска. Басылып чыккан китептер грант алуучу, АКШ элчилиги жана өнөктөштөр тарабынан Кыргыз Республикасындагы билим берүү мекемелерине, коомдук китепканаларга жана Америка борборлоруна таратылат. Гранттар тандоо комиссиясы өткөргөн конкурсттун негизде берилет.

2021-жылы төмөнкү бир же бир нече темага ылайык келген көркөм жана илимий-популярдуу китептерге артыкчылык берилет:

  1. СТЕМ: илимдин, техниканын, искусствонун жана математиканын ар кандай айкалышын камтышы мүмкүн.
  2. Айлана-чөйрөнү сактоо: башкы орунда айлана-чөйрөнү коргоонун зарылдыгы жана ага жетүү жолдору жөнүндө маалымдуулукту жогорулатууга багытталган темада
  3. Бизнестин мүмкүнчүлүктөрүн кеңейтүү жана социалдык ишкердик: бизнес-климатты жакшыртуу үчүн маргиналдык топторго, аз көңүл бурулган топторго жана калктын аярлуу катмарына багытталган экономикалык көз карандысыздыкты, бизнести кеңейтүүнү жана туруктуу өнүгүүнү камтыйт.
  4. Жарандык катышуу жана айылдык-шаардык миграция: жарандык катышуу жөнүндө маалымдуулукту жогорулатуу, айрыкча айылдан шаарга миграция жана айылдык жамааттарды маргиналдаштыруу көйгөйлөрү темасы.

Максаттуу аудитория: негизинен кыргыз тилдүү жаш адистер жана 10 жаштан 25 жашка чейинки жаштар.

Документтердин толук пакети төмөнкүлөрдү камтыйт:

  • SF424 жана SF424A формалар
  • Уюм жөнүндөгү маалымат барагы
  • Долбоордук сунуш (берилген шаблон менен)
  • Бюджет (берилген шаблон менен)
  • Долбоордун негизги кызматкерлеринин резюмеси (бир бет) (Эскертүү: сураныч,

туулган даталар же үйдүн даректери сыяктуу жеке маалыматтарды кошпогула)

  • Арыз берүүчү уюмдун юридикалык каттоосунун көчүрмөсү.

Документтердин толук топтому электрондук формада BishkekProjectProposals@state.gov дарегине 2021 жылдын 25-июн саат 17:00гө чейин жөнөтүлүшү шарт. Бардык долбоордук сунуштар автордук укук боюнча узак сүйлөшүүлөрдү жүргүзүү үчүн эки жылдык долбоордун тизмесин/графигин камтышы керек.

Кеңири маалымат алуу үчүн PASBishkek@america.gov электрондук дареги аркылуу АКШ Элчилигинин коомчулук менен байланыш бөлүмүнө «Китеп которуу программасы 2021» темасы менен кайрылсаңыздар болот.

Талапкерлерге мурда которулган китептердин тизмесин текшерүү сунушталат. Талапкерлер бул тизмедеги китептерди сунуштабайт.

Программа жөнүндө көбүрөөк маалымат алуу үчүн “Каржылоо мүмкүнчүлүгү жөнүндө билдирүү” (Microsoft Word, 47 KB) документин караңыз.